تعرف عن الدوالي وأنواعها وما هى أسبابها وأعراضها وطرق علاجها

كتب : أحمد عبدالمنعم

تعرف عن الدوالي وأنواعها وما هى أسبابها وأعراضها وطرق علاجها 👇👇👇

🔴يعنى ايه دوالى🔴

دوالي الساقين هي الأوردة الدموية المتوسعة والمتعرجة واللي بتتوسع نتيجة ضعف الصمامات الصغيرة في الساق والمسؤولة عن منع عودة الدم إلى أسفل بعد ضخه في الأوردة نحو القلب وبتكون اورده زرقاء وحمراء متفرعه في الساقين

⭕والدوالي نوعين⭕

👈سطحيه واسمها عنكبوتيه بتبقي تحت الجلد مباشره وبتبقي عي شكل شبكه

👈النوع التاني دوالي في اورده رئيسيه ودي بتبقي واخده شكل الوريد بطوله او بجزء منه ومتعرجه وبتكون شكل الخراطيم

🔴🔴طيب اسباب الدوالي🔴🔴

👈الضغط علي اورده الساقين نتيجه الحمل وضغط الرحم علي اوعيه الحوض

👈التقدم بالسن بيحصل ضعف لجدران الاورده

👈زياده الوزن

👈الوقوف لمده طويله

👈ارتداء المشد اللي هو الكورسيه والملابس الضيقه بالاخص عند البطن والحوض فبيضغط علي الاوعيه الدموية بالحوض فبيصعب صعود الدم من الساقين لاتجاه القلب فيسبب الدوالي

👈قله الحركه وضعف العضلات بالأخص الساقين

🔴اعراضها🔴

👈ظهور اورده منتفخه سواء شعيرات سطحيه او اورده رئيسيه

👈تورم الرجل وخاصه منطقه الكاحل

👈الم وتقل فالرجل

👈تغيرات فالجلد زي الجفاف وتغير اللون ووجود قرح فالجلد

👈هرش في الجلد وبالاخص عند الوريد المنتفخ

⭕خطوات تساعدك في علاج دوالي الساقين⭕

👈لازم تحسني من الدورة الدمويه في جسمك وخاصة في الساقين ضروري جداً لعلاج الدوالي وده هيحصل بإنك تهتمي ب

1- ممارسه التمارين الرياضية حتى لو مش هتعملى مجهود الحركه في حد ذاتها تحسن من دورتك الدموية

2- عند الجلوس ارفعى رجليكى بمستوى الكرسي لتخفيف الضغط عليهما وتسهيل جريان الدم

3- حاولى أنك متقعديش أو تقفى لفترات طويلة بدون تغيير وضعيتك حركى رجليك أو اتحركي من مكان لآخر بدلاً من الوقوف أو الجلوس المتواصل وذلك لتنشيط الدورة الدموية في ساقيك

4- قللى من وزنك ودي نقطه مهمه جدا جدا جدا
زيادة الوزن سبب رئيسي من أسباب الإصابة بالدوالي وتخفيض الوزن يقلل من حدتها ويفيد في التخلص منها لان الوزن الزائد يزيد من الضغط على الساقين ويعيق الدورة الدمويه

5-قللي من الدهون والملح والسكر لمنع زياده الوزن

6-امتنعي عن التدخين لانه بيرفع ضغط الدم

7-الاهتمام بتناول فيتامين سي لانه مدعم لانتاج الكولاجين اللي بيساعد علي تخفيف الم الدوالي وكمان بيساعد علي قوه جدران الأوعية الدموية وفيتامين سي موجود في الجزر والكرنب والطماطم والفلفل الالوان والفراوله والبرتقال والجوافه والبروكلي والقرنبيط والكيوي

8-شرب المايه

9-لازم تزودي الكتله العضليه وده عن طريق الأوزان ومع اكل البروتين والاوزان مهمه لبناء العضلات وتقويتها والاورده دي محاطه بالعضلات

10-أهم الرياضات الموصى بها للمصاب بالدوالي: السباحة – المشي السريع – قيادة الدراجة – تمارين التمدد
أهم الرياضات الموصى بالامتناع عنها: كرة القدم – التنس- الاسكواش – الكاراتيه – رفع الأثقال – الملاكمة – الجودو – الجري – التايكوندو – التزلج

🔴وممكن علاجها برضو عن طريق🔴

1- استخدام الجوارب الضاغطة من أفضل الحلول المعترف بيها لعلاج الدوالي وموجوده طبية او تجارية تساعد فى توزيع الضغط على طول ساقك وبالتالي تحسن الدورة الدموية

2- قم بتدليك ساقيك:
احنا عارفين ان المساج بيحسن من الدورة الدموية ويفيد المساج في علاجها أو تخفيف آلامها

3- استلق على ظهرك رافعاً رجليك:
الاستلقاء على الظهر ورفع الرجلين لأعلى أثناء النوم أو من حين لآخر يفيد في تسهيل حركة الدم وتخفيف الضغط على ساقيك، وهتحسى بالراحة بعدها والأفضل رفع القدمين علي حائط

4- دخلي مضادات الأكسدة لنظامك الغذائي:
الأطعمة الغنية بمضادات الأكسدة تعمل على تقوية أوردة ساقيك وبالتالي تمنع تورمها وتمددها
و مضادات الأكسدة في الفاكهة والخضروات والحمضيات كالبرتقال والجريب فروت أهم الأطعمة الغنية بمضادات الأكسدة (مرتبة حسب غناها بمضادات الأكسدة)
الشيكولاته – البرقوق المجفف – الثوم- الزبيب – التوت الأسود – توت العليق – الكرنب – الفراولة – السبانخ – التوت الأحمر – البرقوق – البروكولي – البرتقال – العنب الأحمر – الفلفل الاحمر الحلو – الكرز – البصل – الذرة – الباذنجان

6- استخدمي خل التفاح
من اشهر علاجات الدوالي المجربة.. ببساطة امسحي الدوالي بخل التفاح أو لف قطعة قماش مبللة بخل التفاح حول ساقك وسبيها لمدة 30 دقيقة وستخفف من ظهور الدوالي

7- كتري من الأطعمة الغنية بالتوابل
استخدام التوابل على اختلاف انواعها كالزنجبيل والثوم وغيرهما من المنكهات يساعد في تفكيك مادة الفيبرين والتي تترسب على جدران الأوردة والتي تزيد من حدة المشكلة

🔴ايه اللي لازم تتجنبيه علشان الموضوع ميزدش منك ومتستحملهوش🔴

1- الجلوس مع تقاطع الساقين وضع رِجل على الأخرى لفترات طويلة ده يعيق الدورة الدموية.

2- الاكثار من الملح فالملح الزائد في الطعام واحد من أهم أسباب ظهور الدوالي.

3- هنقول تاني التدخين أظهرت الدراسات أن المدخنين أكثر عرضة للإصابة بالدوالي

4- ارتداء الأحذية عالية الكعب فهي تسلط ضغطاً كبيراً على أوردة الساقين