الأحد , 14 أبريل 2024
أخبار عاجلة

تعرفى ازاى تختاري الحضانة المناسبة لطفلك؟

عارفة ازاى تختارى الحضانة المناسبة لطفلك

اول و اصعب قرار بالنسبة للوالدين وخاصة الام هو قرار الحاق طفلهم بالحضانة ,قرار ان الطفل لأول مره هيسيب حضن امه ويعتمد على نفسه ويروح مكان ويفضل فيه لوحده , الأم بتفكر كتير وبتبقى مش عارفه تبتدى منين ..تعالى نشوف نبتدى بأيه.

اولا لازم نعرف انسب سن لدخول الطفل الحضانة ودا بيكون مابين 3 ل 4 سنين .

ثانيا : هنشوف امكانيات الطفل من حيث تطوره الاجتماعى واللغوى فيفضل انه يكون بيقدر يعبر عن طلباته واحتياجاته ثالثا : ازاى نختار الحضانه المناسبة

يفضل ان الحضانة تكون قريبة من مكان السكن، هنسال على الحضانة كويس جدا ويفضل اننا نسأل امهات مشتركات فالحضانة ونعرف كل التفاصيل .

مهم اوى متابعة الحضانة عالسوشيال ميديا ونشوف الانشطة اللى الحضانة بتقدمها.

زيارة الحضانة ورؤيتها ومحاولة تقييمها قبل الاشتراك و يفضل استضافة الطفل بالحضانة عده ايام وتقييم الحضانة وهل الكفل اتعود عليها ،كمان احتوائهم للطفل والأهم نظافة الحضانة

رابعا: هنتكلم مع الطفل عن الحضانة ونحكيله عنها ونتفرج على صورها ونديله ثقه انه هيقدر يعتمد على نفسه وانه كبر ونعبر عن فرحتنا بتطوره وانه وصل لمرحله الحضانة،ايام الاستضافة لازم تكون فتره الحضانة فيها من ساعه لساعتين وتزيد بالتدريج، و يفضل ان الطفل ياخد معاه شئ خاص بيه بيطمنه لحد ما يتعود على الحضانة.

المتابعة مع مدرسين الحضانة مهم جدا ,ممكن نكتشف فاولادنا من خلال المتابعة معلومات جديدة عنهم.

التواصل المستمر مع اطفالنا مهم جدا وبيطور من تفكيرهم ومهاراتهم وثقتهم فنفسهم داوموا على الكلام مع اولادكم فانتم المصدر الاكثر ثقة لهم.

شاهد أيضاً

وصفات رمضانية

وصفات الجلاش الحلو كتب رانيا حامد وصفتنا اليوم وصفات للجلاش الحلو نصائح عند عمل الجلاش …