كتب : نجوي سليم
طريقة عمل الشيش طاوق
اوراك مخلية ومفرودة هتروحي للفرارجي وتقوليو عايزة وراك شيش مفرودة هيطلعلك العضم كله اللي في الورك وكمان هتستفادي منه وممكن تعملي من العضم شوربة وهتنغعك اوي في تسقية محشي او اي اكل محتاج شوربة
نرجع للشيش مكوناته
اوراك مخلية يعني الورك زي ماهو مايتقطعش بعد الخلي علبة زبادي عصير ليمون حوالي 3 لمونات ملعقتين عسل اسود ملعقتين خل بصلة كبيرة مبشورة ممكن تاخدي ميتها وممكن تحطيها كلها عادي
التوابل
ملح فلفل اسمر ملعقة ص سوماء مطحون ملعقة ك بصل بودر ملعقة ص توم بودر ملعقة ص جنزبيل بودر ملعقة ك كزبرة جافة ناعمة
الطريقة ،،،
اول حاجة هتمسكي الوراك تغسليها كويس اوي بالملح والليمون وتصفيها وتحطيها علي جمب هنحضر التتبيلة هناخد كل المكونات ونقليها مع بعضها ونجيب الشيس ونتبله كويس جدا في بولة ونغطيه وندخله التلاجة علي الاقل 5 ساعات والافضل قبلها بيوم بيتشرب من التتبيلة وبيفرق في الطعم
هنطلعه قبل ماشويه بنصف ساعة من التلاجة هنشويه علي جريل مدهون او في الفرن
واهم حاجة لو هتشويه في الفرن تحطي صينية تحتيه فيها ميه وقشر الليمون عشان ماينشفش وباذن الله هايعجبكم جدا بعد الشوي حطي في طبق التقديم بقدونس مفرم ورصي عليه الشيش بجد وهم وبيكون حاجة مشرفة في العزومات عايزة دعوة حلوة منكم بصلاح الحال والصحة والستر اشوفكم في وصفة تانية باذن الله
