ابن الاصول
ابن الاصول حتى زعله له اصول
لاعمره يغدر ولا يوم يخون
اما قليل الاصل بيتلون بميت لون
لابيتمر فيه عشرة ولا للود بيصون

الاصيل فى ضعفك سند ولحملك شيال
اما قليل الاصل فى عز ازمتك بياع
اصل اللى جاع بعد ما شبع 
غير اللى شبع بعد ماجاع

الاصيل  اصيل مهما مرت الايام
وقليل الاصل  قليل الاصل لو ملك الزمان
فصاحب الاصيل ولو قليل المال
وسيبك من قليل الاصل لو هيوزنك بالمال

الاصل لا بالحسب ولا بالنسب 
المهم تكون رجال
تاج راسك الاخلاق والرزق الحلال
وان مشيت من الدنيا سيرتك بالخير تتقال
دى كان راجل جدع وفى شهامته يتكتب موال
صاحب الاصيل ولو قليل المال
وسيبك من قليل الاصل لو هيوزنك بالمال