أخبار

محمد فوزي مدير سنترال منوف وحوار خاص لمجلة الاتصالات

كتب بلال قنديل 

في اطار الاستراتيجية الخاصة لمجلة الاتصالات في ابراز دور العاملين بالشركة المصرية للاتصالات ومعرفة الجوانب الشخصية في حياتهم كان لنا هذا الحوار الخاص مع مدير سنترال منوف 

في البدية ممكن تعرفنا بنفسك ؟

محمد فوزي عبدالصمد عندي  ٣٥ سنه حاصل علي بكالوريوس هندسه دفعه  ٢٠٠٦ودبلومة سياسات اداريه جامعة دمنهور  الوظيفه الحاليه مدير إدارة سنترال منوف منطقة تليفونات المنوفيه

ممكن تعرفنا علي  مراحل تدرجك الوظيفي منذ التحاقك للعمل بالشركة المصرية للاتصالات ؟

تم تعيني بالشركة المصرية للاتصالات عام 

 ٢٠٠٧ بوظيفة مهندس ثالث وحتى ٢٠١٠  ومن ٢٠١٠ حتى ٢٠١٤ مدير إدارة سنترال أشمون  ومن ٢٠١٤ حتى ٢٠١٦ مدير إدارة سنترال الباجور  ومن ٢٠١٦ حتى ٢٠١٩ مدير إدارة سنترال أشمون ومن ٢٠١٩  حتى الآن مدير إدارة سنترال منوف

ممكن نعرف  النصيحة الدائمه اللي بتوجهها للعاملين تحت قيادتك في التعامل مع الجمهور ؟

اولا لازم قبل النصيحه اشكر فريق العمل بادارة سنترال أشمون والباجور ومنوف وطبعا اخص بالذكر كل الفنيين اللي بجد بيحاولو دايما انهم يوصلوا لرضا العملاء بشكل غير طبيعي وده نابع منهم لحرصهم وفهمهم انهم لما بيسعدوا العميل ده بيعود على المصريه بالخير والتقدم والازدهار
اما بخصوص النصيحه لازم نتعامل مع شغلنا على أنه كيان لازم ينجح كل حد عنده صعوبات لكن الفكره ازاي تفكر بره الصندوق وتحل الصعوبات دي لا وكمان تحولها لحاجه تساعدك على التقدم لازم نفهم اننا بالعميل احنا موجودين لازم نكون دايما ف الصوره اللي تليق بالكيان العظيم ده
لازم نقدر ان العميل اللي بيشتكي ده عميل محتاج ليك وبيقدر الخدمه اللي بقدمها فلازم نحافظ عليه

ممكن تختار ثلاث شخصيات من الشركة المصرية للاتصالات توجهلهم كلمه؟


الشخصية الاولي المهندس عادل حامد الرئيس التنفيذي للشركه المصريه للاتصالات احنا فخورين جدا بحضرتك وبنوعدك اننا نلتزم بتحقيق كل مستهدفتنا وبنجاح وان شاء الله نكون قدها دايما للرفعة وازدهار شركتنا

المهندس محمد علي الصنفاوي رئيس قطاع وسط الدلتا جزاكم الله كل الخير وبنوعدك ان ٢٠٢٠ قطاع وسط بإذن الله محقق كل المستهدفات ونرجع تتصدر اول الجمهوريه

المهندس هشام القصاص المدير والأخ الكبير الشخصيه الداعمه ليك في اي وقت اللي بيوفرلك كل السبل علشان تقدر تشتغل ف جو كويس احب اقوله شكرا ونتمنى ليك دوام الترقي والازدهار

هل حققت المستهدف المطلوب منك في العام الماضي وما خطتك للعام الحالي ؟

العام السابق شرفت بتكليف السيد المهندس محمد الصنفاوي رئيس قطاع وسط الدلتا والأخ قبل المدير المهندس هشام القصاص مدير عام منطقة المنوفيه بالعمل على تحسين الخدمه للعملاء ورفع كفاة الشبكه بالكامل وده كان في إدارة سنترال أشمون حيث تم إحلال اكثر من ١٤ سنترال فرعي إحلال كلي بالامكانيات المتاحه وتحسين الخدمه للعملاء وده ظهر في مؤشرات رضا العملاء

كمان ده ادي الي تحقيق اكثر من ٩٠٠٠ خط داتا العام الماضي وكمان قدرنا نستحوذ على سوق الداتا بنسبه اكثر من ٧٠٪ كمان بفضل دعم المهندس هشام تم العمل على التوسع في مبادرة هنوصلك وهيا اننا بنمد شبكات جديده تحقق الجدوى الاقتصاديه وتخدم العملاء اللي موجودين ف أماكن بعيده عن الشبكه وكمان بعيده عن تغطية الموبايل وده علشان نخفف على المواطن اللي أصبح الانترنت ليه مطلب اساسي علشان أولاده اللي في مراحل تعليم مختلفه 

اما بخصوص العام الحالي فإني شرفت بأن تم تكليفي مدير إدارة سنترال منوف وده بيشمل على مدينتين بتوابعهم وهما مدينة منوف ومدينة سرس الليان انا قدامي هدف اني اوصل بالحلال بنسبه اكثر من ٩٠٪وده بمجرد توفير الوحدات حيث أن سنترال منوف بيعاني من سؤ الشبكه الارضيه وفي الفتره اللي فاتت

بيتم رفع كفاه كامل للشبكه وبيتم فك المتعذرات للوصول بخدمه للعميل كمان مستهدفنا من التحول الرقمي وده بيسير بشكل ممتاز حيث يتم السبق في الخطه الموضوع وتوصيل أماكن وان شاء الله دايما في السبق وده بفضل ان معانا مدير عام منطقه معاك في الشارع وبتابع كل حاجه لحظه بلحظه أن شا الله قادرين على تحقيق مستهدف رضا العملاء واللي بيه هنحقق تارجت المبيعات واللي بنتهز الفرصه اشكرهم لأنهم متميزين جدا ف شغلهم 

هل فيه موقف اخدته وصممت عليه وندمت انك اخدته؟

طبيعة شغل المناطق هي دايما اتخاذ قرارت في اوقات صعبه وكمان لازم تكون مدروسه ومش هنقدر نقول ان كل القرارت بتبقى صح بس فكره ان القرار خطأ دي وارده لاكن التصميم على القرار ده بيبقى بعد دراسه وافيه لاني استحاله اصمم على القرار واندم عليه ممكن يكون فيه جزء خطأ بس المهم انك تقدر تتحمل مسئولية القرار ده وتتحمل جميع توابعه

لو تحب تشتغل شغله أخري غير وظيفتك الحالية  كانت هتبقي ايه؟

مفكرتش في ده بس اي شغل فيه تخطيط وانشأء انا بحبه جدا لاني بحب اشوف نتائج عملي ده بيزدني ثقه جدا بحترم اوي فكرة ان حد يقولك انا محتاج ده ويسيبك تخطط وتنفذ علشان تسلمه طموحه واحلامه نظرة الفرحه وهو بيستلم حلمه وبيقدر فكرك وفهمك دي بالنسبالي اكبر نجاح

 

ما هي أمنياتك لعام ٢٠٢٠ علي المستوي العملي والشخصي؟

 

على المستوى العملي اني اقدر احقق  جميع المستهدفات الخاصه بالعام ده واني اوصل للرضا الكامل لجميع العملاء سواء زمايلي فريق العمل أو العميل الخارجي

على المستوى الشخصي اني اكون دائما في رضا ربي واني ربنا يوفقني في دراستي إدارة الأعمال وان يحفظ اسرتي واولادي

في النهاية تحب توجه رساله لمجلة الاتصالات؟

اولا بشكر صاحب فكرة التطوير الجميله اللي وصلت ليها مجلة الاتصالات واللي بقت بتحتوي على اخبار وتفاصيل تحب تقرأها وتابعها وانها بتحترم متابعيها وبتقدم لهم كل مايرقي ليه وبتمنى لهم التطوير اكتر واكتر

وفي نهاية حوارنا بنقدم بالشكر للمهندس محمد فوزي ونتمي له النجاح والتوفيق ان شاء الله 

 

 

عن الكاتب

بلال قنديل 1126 مقال

عن الكاتب"

عن التعليق

اضف تعليق